Германия миллий жамоаси собиқ бош мураббийи Йоаҳим Лёвнинг «Пахтакор» клуби раиси Жаҳонгир Ортиқхўжаев билан тушган расми тарқалгач, машҳур мураббийнинг Ўзбекистонда иш бошлаши мумкинлиги ҳақида миш-мишлар тарқалди.

«Пахтакор» клуби раиси Жаҳонгир Ортиқхўжаев 15 йил давомида Германия миллий жамоасини бошқарган Йоаҳим Лёв билан учрашган. 64 ёшли таниқли немис мутахассиси 2014 йилда Германияни жаҳон чемпионига айлантирган эди. У ҳозирча ишсиз саналади.

Ёзда Bild нашри Йоаҳим Лёв Томас Тухелдан кейин «Бавария» бош мураббийига айланиши мумкинлиги ҳақида хабар қилган, германиялик мутахассис эса Германияда ишлаш учун унда мотивация йўқлигини айтганди.