«Барселона» Ламин Ямал билан янги шартнома бўйича келишувга эришди.

El Chiringuito хабарига кўра, келишув 6 йилга мўлжалланган. Товон пули 1 миллиард еврони ташкил қилади. Шартнома Ямал 18 ёшга тўлганда (2025 йил июлида) имзоланади.

17 ёшли испаниялик вингер бу мавсум клуби учун барча мусобақаларда 16 та ўйин ўтказиб, 6 та гол урди ва 8 бор голли узатма амалга оширди.

Ямалнинг «Барса» билан амалдаги шартномаси 2026 йилнинг ёзигача мўлжалланган.