45 ёшли Диего Форлан профессионал теннисдаги дебютини ўтказди.

Аргентиналик Федерико Кориа билан жуфтлик ҳосил қилган собиқ футболчи Монтевидеодаги «Челленжер»да боливиялик Борис Ариас ва Федерико Себалос тандемига мағлуб бўлди – 1:6, 2:6.

Баҳс 47 дақиқа давом этди. Охирги геймда Форлан ва Кориа иккита матчболни қайтаришди. 

Уругвайлик собиқ ҳужумчи «Манчестер Юнайтед», «Атлетико» ва бошқа клубларда ўйнаган. У — 2010 йилги жаҳон чемпионатининг энг яхши ўйинчиси ва икки карра «Олтин бутса» соҳиби. Диего 2019 йилда футболчилик фаолиятини якунлаб, теннис бўйича IFT ветеранлар турнирларида қатнашди.