«Манчестер Сити» яримҳимоячиси Родри жамоадоши Эрлинг Ҳоландни дунёнинг энг самарадор ўйинчиси деб атади.

24 ёшли форвард жорий мавсум АПЛда 11 ўйинда 12та голга муаллифлик қилиб, тўпурарлар рўйхатида пешқадамлик қилмоқда.

«Самарадорлик бўйича жаҳоннинг энг яхши ўйинчиси бу – Ҳоланд. Шунингдек, у ҳали ёш ва яна узоқ йиллар шу темпда давом эта олади.

Айта оламанки, Ҳоланд – Роналду ва Мессининг натижаларига яқин келиши мумкин бўлган ягона ўйинчи», - дейди «Манчестер Сити» яримҳимоячиси.