Ҳанси Флик класико танаффусида «Барселона» футболчиларидан ҳимоя чизиғини ушлаб туришни талаб қилган. 

Ўтган шанба куни каталонияликлар Ла Лиганинг 11-турида «Реал»ни 4:0 ҳисобида мағлуб этишди. Барча голлар танаффусдан сўнг урилди, мадридликлар ҳужумчиси Килиан Мбаппенинг биринчи бўлимда киритган тўпи офсайд туфайли бекор қилинди.

Mundo Deportivo хабарига кўра, танаффус вақтида «Барселона» бош мураббийи футболчилардан ўйин режасига амал қилишни ва юқори ҳимоя чизиғини сақлашни сўради. У бир метр орқага қайтган ҳар қандай ўйинчини алмаштириб юборишини аниқ айтган. 

Фликнинг сўзларига кўра, биринчи бўлимдан кейинги ягона ўзгариш қуйидагича бўлган: «Барселона» дастлабки бўлимда рақибга босим ўтказишни мақсад қилган бўлса, иккинчи бўлимда тўпга эгалик ва уни назорат қилишни биринчи ўринга қўйган. 

Таъкидланишича, германиялик мураббий қолган учрашувларда ҳам юқори прессингни сақлаб қолиш ниятида. У титуллар учун курашмоқчи. Ўз навбатида, ўйинчилар ҳам Фликнинг талабларини бажариш учун барча саъй-ҳаракатларни қилишга тайёр.