Ўзбекистон ҳакамлар маркази Суперлига 23-тур доирасидаги «Локомотив» - «Насаф» ўйинида мезбонлар ҳимоячиси Иван Рогачга 35-дақиқада кўрсатилган қизил карточка бўйича расмий изоҳ берди.

«Мазкур баҳснинг 35-дақиқасида бош ҳакам Аҳрол Рисқуллаев бурчак зарбаси амалга оширилиши олдидан тошкентликларнинг 4-рақамли вакили Иван Рогачни оғзаки огоҳлантирди. Аммо бунга жавобан футболчи реферининг оиласига нисбатан ўз тилида кескин ҳақорат қилган. Буни серб тилини тушунадиган Рисқуллаев эшитган ва унга тўғридан-тўғри қизил карточка кўрсатган», - дейилади Ўзбекистон ҳакамлар маркази расмий муносабатида.