Жозе Моуринио Европа Лигаси ўйинида майдондан четлатилганига киноя билан муносабат билдирди.

«Фенербаҳче» бош мураббийи «Манчестер Юнайтед»га (1:1) қарши баҳснинг иккинчи бўлими бошида Клеман Тюрпеннинг пеналти белгиламаганига норозилик билдиргани учун қизил карточка олди.

«Ҳакам билан ўйиндан кейин гаплашдим. У менга ақл бовар қилмайдиган нарсани айтди.

У бир вақтнинг ўзида жарима майдончасида нима бўлганини ҳам,  вазиятга менинг реакциямни ҳам кўра олганини айтди. Унинг бир кўзи пеналти вазиятига, иккинчи кўзи захира ўриндиғидаги хатти-ҳаракатларимга қараб турарди. Шунинг учун у — дунёдаги энг яхши ҳакамлардан бири!» – дея португалиялик мураббийнинг сўзларини келтиради ВВС.