Бундеслигада сентябр ойининг энг яхши футболчиси аниқланди.

Мусобақа расмий сайти хабарига кўра, «Айнтрахт» клуби ҳужумчиси Омар Мармуш ой лауреати деб топилган. 25 ёшли мисрлик форвард Бундеслигада 6 ўйинда 8та гол уриб, тўпурарлар рўйхатида пешқадамлик қилмоқда. У сўнгги ойда 3 ўйинда 5та голга муаллифлик қилди.

Овоз бериш жараёнида Мармуш Ҳарри Кейн («Бавария»), Флориан Виртц («Байер»), Максимилиан Миттельштедт («Штутгарт»), Майкл Олисе («Бавария») ва Винченцо Грифо («Фрайбург») сингари футболчиларни ортда қолдирди.