Ўзбекистон миллий жамоаси ЖЧ-2026 саралаши доирасида навбатдаги баҳсларни 14 ноябр куни Доҳада Қатарга, 19 ноябрда Лаосда КХДРга қарши ўтказади. 

ЎФА матбуот хизматининг маълум қилишича, жамоага қулайлик яратиш мақсадида бўлажак ўйинларга Доҳа-Виентиан-Тошкент йўналишида чартер-рейс ташкил этилади.

Эслатиб ўтамиз, Ўзбекистон 4-турдан сўнг 10 очко билан гуруҳда 2-ўринни эгаллаб турибди. Пешқадам Эронда ҳам шунча очко бор.