Фернандо Гаго «Бока Хуниорс»нинг янги бош мураббийига айланди.

Аргентиналик 38 ёшли мутахассиснинг Буэнос-Айрес клуби билан шартномаси муддатига аниқлик киритилмаган.

Гаго — «Бока Хуниорс» тарбияланувчиси. Собиқ яримҳимоячи «Реал», «Рома», «Валенсия» клублари ва Аргентина миллий жамоасидаги ўйинлари билан танилган.

Унинг сўнгги иш жойи Мексиканинг «Гвадалахара» жамоаси эди. Аввалроқ Гаго Аргентинанинг «Расинг» клубига ҳам мураббийлик қилган.