Испания миллий жамоаси вингери Ламин Ямал Сербияга қарши учрашувни ўтказиб юборадиган бўлди.

«Барселона» яримҳимоячиси Испания миллий жамоаси сафида Данияга қарши (1:0) Миллатлар лигаси доирасидаги баҳснинг сўнггида алмаштирилган эди. У майдонни оқсаган ҳолда тарк этганди.

Mundo Deportivo хабарига кўра, Ямал сон мушакларида оғриқни ҳис қилган. Шу боис у сешанба куни Сербияга қарши ўйнамайдиган бўлди ва Каталония клуби сафига эртароқ қайтади. Ламин клубида тиббий муолажаларни олади.

Қайд этилишича, Ямалнинг Ла Лига доирасидаги «Севиля»га қарши ўтадиган якшанба кунги ўйинда ҳам майдонга тушиши ҳозирча сўроқ остида қолмоқда. 17 ёшли футболчи бу баҳсни ўтказиб юбориб, «Бавария» ва «Реал»га қарши баҳсга ҳозирлик кўриши мумкин.