Диде Дешам Килиан Мбаппенинг Франция миллий жамоаси Миллатлар лигаси доирасида Исроилга (4:1) қарши кечган баҳсда тунги клубга борганига муносабат билдирди.

«Мбаппенинг тунги клубга боргани? Мен миллий жамоа ихтиёрида бўлмаган футболчилар ҳақидаги янгиликларни кузатмайман. Килиан ҳозир «Реал»да реабилитацияда. Унинг ўйин вақтида қаерда бўлишини билмайман.

Килиан Исроилга қарши беллашувдан олдин менга хабар юборди. У бошқа ўйинчилар сингари жадвалга амал қилади. Агар футболчининг дам олиш куни бўлса, у хоҳлаган нарсасини қилиши мумкин», — дея Франция миллий жамоаси бош мураббийининг сўзларини келтиради Telefoot нашри.