Бруну Фернандеш «Манчестер Юнайтед» учун гол уришни бошлаш ниятида эканини айтди.

АПЛнинг ушбу мавсумидаги 7 та ўйинда манкунианликлар сардори фақат 1 та голли узатмани амалга оширди.

«Миллий жамоадан қайтишим билан ўз ўйинимни кучайтириб, яна гол уришни бошламоқчиман. Бунинг учун жавобгарликни ўз зиммамга олишим керак, чунки мен кўп гол урадиган яримҳимоячиман. 

Аввалги йилларда ҳамиша юқори натижаларга эришганман, шунинг учун умидларни оқлашим керак. Қолаверса, менинг ўз стандартим бор, ундан четга чиқолмайман.

Бу мавсумда ҳали клуб учун гол уролмадим ва умид қиламанки, қайтишим биланоқ тўп киритиб, жамоага ғалаба қозониш ва яхши даражага қайтишга ёрдам бера оламан», — дея португалиялик футболчининг сўзларини келтиради клуб расмий сайти.