«Реал» ҳимоячиси Дани Карвахал 11 октябр куни тиззасидан муваффақиятли операция қилинди, дея хабар бермоқда клуб расмий сайти.

Испаниялик футболчи яқин кунлардан бошлаб тикланиш жараёнини бошлайди.

32 ёшли ҳимоячи «Вилярреал»га қарши учрашувнинг (2:0) сўнгги дақиқаларида жароҳат олган ва унга тизза хочсимон пайларнинг узилиши ташхиси қўйилганди. Бу эса Дани учун мавсум якунланганини англатарди.

Шунга қарамай, Мадрид клуби 6 октябр куни Карвахал билан амалдаги келишув 2026 йилга қадар узайтирилганини эълон қилди.