Пол Погба фаолиятини Франция чемпионатида давом эттириши мумкин.

Журналист Малик Траоренинг хабарига кўра, франциялик 31 ёшли яримҳимоячи «Ювентус»га керак эмаслигини тушунганидан кейин «Марсел» клуби раҳбарияти билан музокарага киришган. Погба қишки трансфер ойнасида Турин клубидан Франция жамоасига ўтиши мумкин. 

Аввалроқ, Полнинг допинг қабул қилгани бўйича дисквалификацияси 4 йилдан 18 ойгача қисқартирилгани ва у март ойида майдонга тушиши мумкинлиги хабар қилинганди. Шунга қарамай, «Ювентус» футболчи билан келишувни бекор қилишни режалаштиргани маълум бўлгач, Погба ҳам клубни тарк этишга қарор қилган.