Исроил Мадримовнинг навбатдаги рақиби ва жанг санаси эълон қилинди.

Ўзбекистонлик 29 ёшли профессионал боксчи 21 декабр куни Ар Риёдда ташкил этиладиган бокс оқшомида рингга кўтарилади. Рақиб — украиналик Сергей Богачук. 

Оқшомнинг марказий жанги британиялик собиқ чемпион Тайсон Фюри ва унинг вазнида 4 та камар соҳиби бўлиб турган украиналик Александр Усик ўртасида ўтади.

Маълумот ўрнида, Мадримов (10-1-1) охирги жангини 4 август куни америкалик Теренс Кроуфордга қарши ўтказиб, очколар ҳисобига кўра мағлуб бўлганди. 29 ёшли Богачук (24-2-0) эса сўнги жангида америкалик Вержил Ортисга ютқазган.