«Реал» бош мураббийи Карло Анчелотти Ла Лига 9-туридан ўрин олган «Вилярреал»га (2:0) қарши ўйинда жароҳат олган футболчилар ҳақида гапирди. 

«Бу жуда жиддий тизза жароҳати бўлиб кўринди. Кийиниш хонасида ҳамма хафа ва хавотирда. Бу кўпинча тиғиз тақвим туфайли содир бўлади ва бу сафар биз учун жуда муҳим футболчи билан содир бўлди.

У — асосий ўйинчи. Мен у билан гаплашдим. Дани хафа. 

Келинг, шифокорлар нима дейишларини кўрамиз ва тикланиш ҳақида ўйлаймиз. Шифокор текширувдан ўтиш кераклигини айтди, бироқ тизза шикастланган.

Винисиус Жуниорнинг умуртқа поғонасида муаммо бор, у ҳам текширувдан ўтиши керак», — дея италиялик мутахассиснинг сўзларини келтиради Marca.