Эдинсон Кавани Аргентина чемпионатидаги фаолиятини давом эттирадиган бўлди.

Уругвайлик 37 ёшли ҳужумчи «Бока Хуниорс» билан келишувни узайтирди. Янги шартномага кўра, Кавани Буэнос-Айрес клубида 2026 йил якунигача тўп суради.

Эдинсон «Боку»да 2023 йилдан буён фаолият юритмоқда. У ўтган даврда 43 ўйинда 20та голга муаллифлик қилди.

Шунингдек, Кавани фаолияти давомида «Валенсия», «Манчестер Юнайтед», «ПСЖ», «Наполи» ва «Палермо» клублари шарафини ҳимоя қилди.