Лотар Маттеус Венсан Компани бошқарувидаги «Бавария»ни мақтади. 

«Бу — мен кўрган энг кучли «Бавария». Менимча, жамоа Пеп Гвардиола давридагидан ҳам яхшироқ. Улар нафақат орқага ва паралел узатмалар орқали ўйнашади, балки олдинга ўйнашга ҳам ҳаракат қилишади.

Албатта, бу ҳолат Загребнинг «Динамо»си ва «Ҳолштaйн Кил» каби кучсизроқ рақибларга қарши ўйинларда тез-тез содир бўлди. Аммо «Байер»га қарши баҳсда ҳам биз устунлик, бирдамлик, зичликни кўрдик.

Сўнгги 7-8 ой ичида икки марказий ҳимоячи ҳам ҳақли равишда танқид қилинди, Компани уларни ўзига қайтарди. Яна «Бавария» ўйинларини томоша қилиш жуда ҳаяжонли», — деди мюнхенликларнинг собиқ яримҳимоячиси Sky Sport эфирида.