«Навбаҳор» собиқ бош мураббийи Андрей Канчелскис «Манчестер Юнайтед» базасига кира олмаганини айтди.

«Кира олмадим. ФИФА кунлари пайтида Англияда эдим. «Манчестер Юнайтед» базасига боришни хоҳладим, лекин улар киришга рухсат беришмади.

Бу — мураббийнинг иши. Нидерландиялик тен Ҳаг клуб эшикларини ҳаммага ёпиб қўйган. Мен стажировка сўраганим йўқ эди. У ҳеч кимни клуб базасига яқинлаштирмайди — на журналистлар, на «Юнайтед» афсоналарини! Жуда ёпиқ ўқув жараёни. У нимадан қўрқиши ва яшириши керак? Тушунмаяпман.

Ҳатто Фергюсон ҳам у ерда бўла олмаса керак. База ҳар қандай қизиқувчан кўзларга ёпиқ. 

Айтганча, сэр Алекс ҳақида — мен ҳам у билан учрашишни хоҳлардим. Унга хат ёздим, лекин у ўша пайтда АҚШда эди. Кейинги сафар у билан учрашишга келишиб олдик», — деди 1991 йилдан 1995 йилгача «Манчестер Юнайтед»да ўйнаган яримҳимоячи Sports24'га.