«Манчестер Юнайтед» бош мураббийи Эрик тен Ҳаг Европа Лигаси 1-туридан ўрин олган «Твенте» (1:1) билан ўйиндан сўнг ўз фикрларини билдирди. 

«Рақибни ўйинда қолдирдик. 1:0 ҳисобида олдинда бораётганда ва ўйинни назорат қилишда барқарор бўлишимиз, бир хил руҳда давом этишимиз керак. Иккинчи бўлимда секинлашдик ва тўп ўтказиб юбордик.

Ишни якунламадик – иккинчи голни уришимиз керак эди. Якунда улар ўйинда қолишди ва биз ўз хатомиз учун жазоландик.

Гол — бу бутун жамоа масъулияти, «Твенте» футболчиси тўпни майдон бўйлаб эркин олиб юрди. Рақибни шунчаки ўтказиб юборолмайсиз.

Бутун баҳс давомида ўйнашда давом этишимиз, ҳисоб 1:0 бўлганида эса иккинчи голни уришга ҳаракат қилишимиз кераклигига яна бир бор амин бўлдик. Бу — турнирнинг биринчи ўйини ва ғалаба жуда муҳим эди», — дея нидерландиялик мутахассиснинг сўзларини келтиради TNT Sports.