Эрлинг Ҳоланд «Арсенал» ҳимоячиси Габриэл Магаляэснинг бошига ортдан тўп отгани учун жазоланмайдиган бўлди.

АПЛ 5-туридаги «Манчестер Сити» — «Арсенал» баҳсининг (2:2) якунида мезбонлар Стоунзнинг голидан кейин ҳисобни тенглаштирди. Шундан сўнг Ҳоланд тўпни дарвоза тўридан олиб чиқди ва уни ўгирилиб турган Габриэлнинг бошига отиб кетди.

Daily Mail хабарига кўра, ВАР ўйин давомида ушбу эпизодни кўриб чиқди ва ҳакамлардан ҳеч қандай ҳаракат талаб қилмади. Шу муносабат билан норвегиялик ҳужумчи ўйиндан кейин ҳам жазоланмайди.