АЕК Антони Марсиял трансферини эълон қилди.

Аввалроқ «Манчестер Юнайтед»ни тарк этган ҳужумчи Греция клуби билан 3 йиллик шартнома имзолаши ҳақида хабар берилганди.

28 ёшли футболчи бугун Грецияга етиб боради. Жамоанинг ижтимоий тармоқларида бу ҳақдаги пост «Афсунгар келяпти» матни билан берилди. 

Марсиял — эркин агент. Ўтган мавсумда франциялик форвард АПЛда 13 та ўйин ўтказиб, 1 та гол урган.