Криштиану Роналду футболчилик фаолиятидан сўнг мураббий бўлишни режалаштирмаётганини маълум қилди. 

«Мураббий бўлишим қийин бўлади, сабаби ҳозир етишиб келаётган авлодда иштиёқ йўқдек. Бусиз футболда қийин. Улар бизнинг тажрибамиздан сабоқ олишмайди, ҳамма нарсани ўзим биламан деб ўйлашади. Улар қўлидаги телефонлар, тикток, инстаграм яхшироқ ўргатади деб ўйлайди.

Фаолиятимни якунлагач, бошқа ташвишлар билан банд бўламан. Ҳаётимнинг бошқа қисми – бизнес, бу мени илҳомлантиради. Ҳа, бу осон бўлмайди, аммо билмаган соҳани ўрганаман. Фикримча, ҳаммаси яхши бўлади», - дейди Роналду Рио Фердинанд билан суҳбатда.

Аввалроқ, 39 ёшли португалиялик форвард яна 3-4 йил тўп суришни режалаштираётгани ҳақида гапирганди.