Эрлинг Ҳоланд Премер-лигада август ойи футболчисига айланди. У бу совринни 3-бор қўлга киритди. 

«Манчестер Сити» форвардига Премер-лига сайтида кўпчилик мухлислар овоз берди. 

Норвегиялик 24 ёшли футболчи ўтган ойда 3 та ўйинда 7 та гол урди. У «Ипсвич» (4:1) ва «Вест Ҳэм»га (3:1) қарши ўйинларда кетма-кет иккита ҳет-трик қайд этди, «Челси»га (2:0) ҳам гол урди.

Ҳоланд 1994/95 йилги мавсумдан сўнг Англияда дастлабки учта турда икки бор ҳет-трик қайд этган биринчи футболчи бўлди.