Франция миллий жамоаси ҳужумчиси Килиан Мбаппе «учранглилар»нинг сўнгги ўйинлардаги тактик тайёргарлигидан норози бўлди, деб хабар бермоқда L'Equipe. 

Манбага кўра, Франциянинг Италияга қарши ўйиндаги (1:3) мағлубиятидан сўнг 25 ёшли футболчи нутқ сўзлаган ва унда тактик тайёргарлик етарли эмаслигини таъкидлаган. 

Таъкидланишича, «Реал» ҳужумчисининг сўзлари биринчи навбатда Дидье Дешам бошчилигидаги мураббийлар штабига қаратилган.

Италияга Миллатлар лигаси 1-турида ютқазган Франция 2-турда Белгияни 2:0 ҳисобида мағлуб этди. Кейинги турда жамоа Исроил билан тўқнашади. Беллашув 10 октябр куни бўлиб ўтади.