Финляндияга (2:0) қарши баҳс Ҳарри Кейн учун юбилей бўлди. 

«Бавария»нинг 31 ёшли ҳужумчиси Миллатлар лигаси ўйинида Англия миллий жамоасининг асосий таркибида майдонга тушди ва дубли билан ғалаба келтирди. Бу — унинг инглизлар сафидаги 100-ўйини.

Бунгача фақат 9 футболчи юзлик довонидан ўта олганди. Рекорд эса Питер Шилтонга тегишли — 125 ўйин. Кейнга энг яқин футболчи — Билли Райт (105).

Маълумот учун, Ҳарри Англия тарихидаги энг яхши тўпурар ҳисобланади. У 68 та гол урган.