Криштиану Роналду уни совринлар эмас, футбол завқи илҳомлантираётганини айтди.

«Португалиянинг Европа чемпионатидаги ғолиблиги (2016-йилда) жаҳон чемпионатида ғалаба қозониш билан тенг.

Мен аллақачон Португалия билан ютишни хоҳлаган иккита совринни қўлга киритганман. Бу турнирлар менга мотивация бермайди. 

Менинг мотивациям — футболдан завқланиш. Рекордлар ўз-ўзидан келади. Мен рекордлар ортидан қувмайман, улар мени таъқиб қилишади», — деди португалиялик ҳужумчи Миллатлар Лигасида Хорватия устидан қозонилган ғалабадан сўнг (2:1). 

Эслатиб ўтамиз, 39 ёшли футболчи Хорватия дарвозасини ишғол этиб, фаолиятидаги голларини 900 тага етказди.