Педри Ҳанси Флик даврида «Барселона» қандай ўзгаргани ҳақида гапирди.

«Ўзимни эркинроқ ҳис қиляпман. Флик менга босимсиз ўйнашим, қўлимдан келганини қилишим кераклигини айтди. Жисмоний тайёргарлигимга келсак, баъзи ишларни бажаришда анча яхшиланганимни кўришингиз мумкин. Флик ишончни сингдиришда жуда яхши.

Биз клубда аввалгидан кўра кўпроқ интенсив ишлаяпмиз. Янги жисмоний тарбиячилар катта ёрдам беришмоқда. Биз қаттиқ меҳнат қиламиз ва бу ўйин давомида кўринади. Жамоа 70 ёки 80-дақиқадан сўнг чўкиб қолмаяпти ва жисмоний томондан савиясини сақлаб қолмоқда», — дея каталонияликлар яримҳимоячисининг сўзларини келтиради Mundo Deportivo.