Хоселу «Реал» бу мавсумда яхши ўйин кўрсатишига шубҳа қилмаяпти.

«Жамоа барча 7 совринни ютадими? Улардан бирини – Европа Суперкубогини қўлга киритишди. Муаммо шундаки, одамлар чемпионатнинг атиги 4 та ўйини ўтганини тушунмаяпти, баъзилар эса «Реал» ўлди, деб ўйлашяпти.

Бу хато. Агар сиз осмонга тупурсангиз, юзингизга қайтиб тушади. «Реал» қолган олтита чемпионлик титули учун курашади.

Эсимда, Бензема кетганидан кейин ҳам улар «Реал» ҳеч нарса ютмаслигини айтишганди. Лекин якунда бутун мавсум давомида фақат икки ўйинда мағлуб бўлдик. «Реал» барча титуллар учун курашади, бунга ҳеч ким шубҳа қилмаслиги керак», — дейди Қатарнинг «Ал Ғарафа» клубида ўйнаётган мадридликларнинг собиқ ҳужумчиси.