Адриен Рабио Криштиану Роналдунинг жамоадошига айланиши мумкин.

Corriere dello Sport хабарига кўра, «Ан Наср» «Ювентус»нинг собиқ яримҳимоячиси билан шартнома имзолаш устида ишламоқда. 

Саудия Арабистони клуби 29 ёшли франузга йилига 20 млн евро маош таклиф қилишга тайёр ва ҳозирда футболчининг агенти вазифасини бажарувчи онаси билан музокаралар олиб бормоқда. 

Таъкидланишича, Криштиану Роналдунинг шахсан ўзи клубдан Рабиони қўлга киритишни сўраган. 

Саудия Арабистонидаги хорижлик ўйинчиларга нисбатан чеклов Рабионинг «Ан Наср»га ўтишига тўсқинлик қилиши мумкин, чунки айни дамда клуб сафида 8 нафар хорижлик бор.

Маълумот учун, Роналду яримҳимоячи билан Турин клубида бирга ўйнаган.