«Реал» бош мураббийи Карло Анчелотти Ла Лига 4-туридан ўрин олган «Бетис»га (2:0) қарши ўйиндан кейин ўз фикрлари билан ўртоқлашди. 

Беллашувда фанциялик ҳужумчи Килиан Мбаппе дублга эришди. Бу — унинг Ла Лигадаги дастлабки голлари. 

«Бизда яхшироқ бўлишга интилиш, иштиёқ, мотивация бор. Яхши ўйин ўтказдик. Танаффусга яхши ҳиссиётлар билан чиқиб кетамиз.

Мбаппега босим? Бу саволни унга беришингиз керак, биз ҳеч қачон голлар учун унга босим ўтказмаганмиз. Вини пеналтини унга берди, Килиан учун гол уриш муҳим, аммо биз жамоавий меҳнатни кўпроқ қадрлаймиз ва бугун аввалги ўйиндагидан яхшироқ бўлди.

Винисиус Мбаппега пеналтини бериш орқали бағрикенглик қилди. Уларнинг муносабатлари яхши», — дея мадридликлар устозининг сўзларини келтиради Marca.