28 август куни Париж шаҳридаги Елисей ва Конкорд майдонларида ХVII ёзги Паралимпия ўйинларининг тантанали очилиш маросими ўтказилди.

Маросимда Ўзбекистон делегацияси ҳам иштирок этди. Унда Ҳусниддин Норбеков ва Моҳигул Ҳамдамова байроқдорлик қилишди.

Тўрт йилликнинг нуфузли турнирида Ўзбекистон шарафини 65 нафар спортчи ҳимоя қилади. Улар жами 113 та лицензияга эга чиқишган. 

Паралимпия ўйинларида 184 делегациядан 4000 нафардан зиёд пара атлетлар 22 спорт турида 549 та медаллар жамғармаси учун кураш олиб боради.

Нуфузли мусобақа 8 сентябрга қадар давом этади.