Ўзбекистон футзал миллий жамоаси аъзоси Суннат Жўраев Португалияга (1:4) қарши ўртоқлик баҳсида олган жароҳати сабаб узоқ муддатга сафдан чиқди. 

ЎФА матбуот хизмати хабарига кўра, футзалчининг хочсимон пайи лат еган ва эндиликда у операция қилинади. 

Шу тариқа Жўраев Ўзбекистон мезбонлик қиладиган жаҳон чемпионатида ўйнай олмайди. 

Аввалроқ Даврон Чориев ва дарвозабон Равшан Элибоев ҳам мундиални ўтказиб юбориши хабар қилинганди.