«Барселона» Дани Олмони рўйхатдан ўтказиш йўлини топди.

Mundo Deportivo хабарига кўра, каталонияликлар жароҳат олган ҳимоячи Андреас Кристенсен ўрнига яримҳимоячини таркибга киритиш ҳуқуқидан фойдаланади. Аввалроқ даниялик футболчи камида икки ойгача майдонга туша олмаслиги маълум бўлганди.

Ла Лига яқин вақт ичида бу ҳаракатни маъқуллаб, Олмога 27 август куни «Райо Валекано»га қарши ўйнашга рухсат бериши кутилмоқда.

Аввалроқ «Барселона» Иниго Мартинесни худди шундай тарзда қайдномага киритганди — Роналд Араухонинг жароҳати туфайли.