«Манчестер Юнайтед» бош мураббийи Эрик тен Ҳаг АПЛ 2-туридан ўрин олган «Брайтон» (1:2) билан ўйиндан сўнг ўз фикрларини билдирди. 

Манкунианликлар 90+5-дақиқада тўп ўтказиб, мағлуб бўлишди. 

«Ҳафсалам пир бўлди, чунки ҳеч бўлмаганда дурангни сақлаб қолишимиз керак эди. Ғалаба қозонишимиз мумкин эди, лекин якунда очко ололмадик, бу эса хафа қилади, чунки бутунлай бошқача бўлиши мумкин эди.

Айниқса, ўйиннинг катта қисмини назорат қилганингизда, бундай мағлубият асабийлаштиради. Биз тўпни назорат қиламиз ва буни жуда яхши бажарамиз.

Иккита кераксиз гол ўтказиб юбордик, улардан қочишимиз мумкин эди. Биз майдонда мулоқот қилишимиз, бундай дамларда ҳамжиҳат бўлишимиз, ҳамма нима қилишни билиши, жамоа бўлиб дарвозани ҳимоя қилишимиз керак.

Ўйинда жуда яхши лаҳзалар бўлди. Биз кўп тўпга эга бўлдик, яхши имкониятлар яратдик, чидамлилик кўрсатдик, деярли ғалаба голини уришга муваффақ бўлдик, аммо Зиркзе билан вазиятда омадимиз келмади.

Ўрганишимиз керак. Очко йўқотмаслигимиз керак. Дарвозани бундай ҳимоя қилиш билан очко йўқотамиз. Футболда деталлар муҳим. Бундай ҳолларда яхшироқ ҳаракат қилишимиз керак. Шу билан бирга, имкониятлар кўп экан, кўпроқ гол уришимиз керак. Янада изчил ҳаракат қилишимиз шарт, бу борада орқага қадам ташладик. Яхшиланишимиз ва кўпроқ ишлашимиз керак», — дея нидерландиялик мутахассиснинг сўзларини келтиради клуб расмий сайти.