«Барселона» бош мураббийи Ҳанси Флик Ла Лига 2-туридан ўрин олган «Атлетик»ка (2:1) қарши ўйиндан сўнг ўз фикрлари билан ўртоқлашди. 

— Аввалги ғалабадан кўра бугунгисидан кўпроқ қониқдингизми? 

— Ҳа, жуда хурсандман. Эҳтирос ва кучга эга бўлиш жуда яхши, лекин бироз хотиржамликни сўрайман.

— Левандовскининг энг яхши версияси қайтдими?

— Мен ҳам шундай фикрдаман. Уни жуда яхши биламан. У яхши прессинг қилади, Робертдан жуда мамнунман.

— Рафиняда янги позиция? 

— Рафа ҳужумда исталган позицияда ўйнашга қодир. У «ўнлик» бўлиши мумкин, позицияни ўзгартириши мумкин. Прессинг нуқтайи назардан, бу биз учун жуда фойдали.

Ҳозир 6 очкодан хурсанд бўлиш вақти. Мен жамоа ва футболчилар учун хурсандман. «Атлетик»дек ҳеч қандай бўш жой қолдирмайдиган ва қийинчиликлар келтириб чиқарадиган жамоани мағлуб этиш ажойиб.

— Испан тилини ўрганишингиз қандай кетмоқда?

— Давом этишим керак. Бу мен учун осон эмас, лекин яхши тушуняпман. Ажойиб устозларим бор, — деди каталонияликлар устози.