Серхи Роберто «Комо»га ўтишга яқин турибди.

Журналист Жанлука Ди Марционинг хабар беришича, томонлар келишувга яқинлашишмоқда ва ҳозир якуний тафсилотларни муҳокама қилишмоқда.

«Барселона»ни тарк этган ҳимоячи билан 2 йиллик шартнома имзоланиши кутилмоқда. У Италияга пайшанба куни етиб келиши мумкин.

Эслатиб ўтамиз, «Комо»ни Роберто билан бирга «кўк-анорранглилар» сафида ўйнаган Франсеск Фабрегас бошқаради. 

Шунингдек, инсайдер Фабрицио Романонинг сўзларига кўра, «Комо» «Манчестер Сити»га яримҳимоячи Максимо Перронени ижарага олиш бўйича расмий таклиф билан чиқмоқчи.