«Челси» билан 7 йиллик шартнома имзолаган Жоау Феликс клуб расмий сайтига дастлабки таассуротлари билан ўртоқлашди.

«Челси»га қайтганимдан чиндан ҳам жуда хурсандман ва бу ерда ишимни бошлашни интизорлик билан кутяпман. Жамоадаги аксарият ўйинчилар, ходимлар менга бегона эмас, уларни яна кўриб турганимдан хурсанд бўлдим. Бу ёқимли ҳолат.

Бу ерда тўп суриш менга ёққан ва дўстларим, оиламга қачондир яна Премьер-лигага қайтишимни айтгандим. Буни яна «Челси»га қайтиб амалга оширганимдан жуда хурсандман. Бу ажойиб», - дейди Феликс.