«Аталанта» Италия чемпионати 1-турида «Лечче»ни (4:0) йирик ҳисобда мағлуб этди. 

Натижада Жан Перо Гасперинининг Бергамо клуби бошқарувида лигада тўплаган очколари 552 тага етди. У А Серия тарихида бир клубда 550+ очко жамғарган бешинчи мураббий бўлди, деб хабар беради Opta. 

66 ёшли мутахассис «Аталанта»ни 2016 йилдан буён бошқариб келмоқда.

Рекордчи Жованни Трапаттони бўлиб, у «Ювентус» билан 770 очко тўплаган. Иккинчи ўринга худди шу клубда 663 очко жамғарган Массимилиано Аллегри жойлашган. Учинчи ўринни «Милан»да 557 очко тўплаган Карло Анчелотти ва «Интер»да худди шунча очко жамғарган Элленио Эррера бўлишиб турибди. 

«Аталанта» навбатдаги турда 25 август куни «Торино» меҳмони бўлади.