«Ювентус» бош мураббийи Тиаго Мотта жамоа яримҳимоячиси Федерико Кьеза унинг режаларидан ўрин олмаганини яна бир марта маълум қилди.

«Федерико Кьеза бўйича клуб ва менинг позициям ўзгаргани йўқ. У бизнинг режаларимиздан ўрин олмаган.

Биз у билан гаплашиб олдик. Мен ҳар бир футболчига нисбатан кўрсатаётган ҳурматни унга ҳам нисбатан кўрсатдим. Ўйинчилар билан ўзаро мулоқотда барчасини лўнда ва тушунарли қилиб гаплашаман», - дейди мураббий.

Аввалроқ, Турин клуби Кьезани «Тоттенҳэм»га ижарага бериши ҳақида хабарлар тарқалганди, аммо италиялик футболчи ҳамон бошқа клубга ўтгани йўқ.

Маълумот учун, 26 ёшли вингер ўтган мавсум «Юве» сафида А Сериядаги 33 ўйинда 9та гол ва 2та ассист қайд этганди.