«Лацио» «Салернитана»дан Булайе Диани ўз сафига қўшиб олди. 

Сенегал миллий жамоасининг 27 ёшли ҳужумчиси Рим клубига сотиб олиш мажбурияти билан икки мавсумга ижарага ўтди. Умумий шартнома 4 йилга тузилган.

Журналист Николо Скиранинг сўзларига кўра, «Лацио» Дианинг ижараси учун 1 млн евро тўлаган, сотиб олиш қиймати эса 11 млн евро.

Ўтган мавсумда Диа А Серияда «Салернитана» таркибида 17 та ўйин ўтказиб, 4 та гол урган. У март ойида интизомни бузгани ва ўринбосарлар сафида майдонга тушишдан бош тортгани учун жамоадан четлатилганди.