«Манчестер Юнайтед» собиқ ҳимоячиси Фил Жонс фаолиятини якунлаганини эълон қилди.

32 ёшли футболчи мураббий бўлиш нияти борлигини айтди.

«Фаолиятим мен хоҳлаганимдан тезроқ якунланди.

Аммо стаканнинг фақат ярми тўлган. УЕФА А лицензиясини олдим ва ўзимни мураббий сифатида синаб кўраман. Келажакда қайсидир жамоани бошқармоқчиман», — деди Жонс. 

Англиялик футболчи 2011 йилдан 2023 йилгача «МЮ»да ўйнаган. Бу вақт ичида у 6 та совринни қўлга киритган: жумладан, Премер-лига чемпионлиги ва Европа Лигаси.

Фил охирги марта 2022 йил 2 май куни ўйнаган.