Марсело Брозович халқаро фаолиятини якунлади. 

«99. Хорватия сафида шунча ўйинда майдонга тушдим ва энди тугатмоқчиман. 

Миллий жамоа учун доим 100% энергия ва кучимни бердим. Жамоани соғинишимни биламан. Аммо давом этиш керак. Хорватияда ажойиб жамоа бор», — дейди «Ан Наср» яримҳимоячиси ижтимоий тармоқларда. 

31 ёшли футболчи 2014 йилдан бери Хорватия сафида ўйнади ва 99 баҳсда 7 та гол урди. У миллий жамоа билан ЖЧ-2018да кумуш, ЖЧ-2022да бронза медалини қўлга киритди.