«Манчестер Юнайтед» «Бавария»нинг яна бир ҳимоячиси Носир Мазрауни ҳам ўз сафига қўшиб олди. 

Трансфер қиймати — 15+5 млн евро. Шартнома 2029 йилгача мўлжалланган. 

Марокашлик 26 ёшли футболчи ўтган мавсумда Бундеслигада 19 та ўйин ўтказган. 

Аввалроқ манкунианликлар Мюнхен клуби марказий ҳимоячиси Маттейс Де Лигт трансферини ҳам эълон қилишганди. Иккала футболчи ҳам «МЮ» бош мураббийи Эрик тен Ҳаг билан «Аякс»да бирга ишлашган.