Фабиу Карвалю фаолиятини «Брентфорд»да давом эттиради. 

Лондон клуби ҳужумкор яримҳимоячи учун «Ливерпул»га 20 млн фунт тўлади. Яна 7,5 млн фунт бонуслар ва футболчининг кейинги трансферидан 17,5% улуш ҳам бор. 

Португалиялик 21 ёшли ҳавбек янги жамоаси билан 2029 йил ёзигача мўлжалланган шартнома тузди. Уни яна бир мавсумга узайтириш мумкин.

Карвалю ўтган мавсумнинг иккинчи қисмини «Ҳалл»да ижарада ўтказиб, Чемпионшипда 20 ўйинда 9 та гол урган.