«Ливерпул»нинг собиқ ҳимоячиси Жейми Каррагер Лондоннинг «Арсенал» клубига Премер-лигада ғалаба қозониш учун нима кераклиги борасидаги саволга жавоб берди.

«Тўғрисини айтсам, даъвогарлар орасида мен фақат «Арсенал» ва «Манчестер Сити»ни кўряпман. Биламан, одамлар «Арсенал» ҳақида гапиришмоқда, чунки улар икки марта ғолиб бўлишга яқин келишди ва кейинги қадамни қўйишга тайёрлар. Лекин мен Кевин Де Брюйне, Эрлинг Ҳоланд, Фил Фоден ва Бернарду Силвага қарайман ҳамда уларни ҳали ҳам «Арсенал» ўйинчиларидан яхшироқ деб ўйлайман.

Менимча, «Арсенал»га бир ҳужумкор ўйинчи етишмаяпти. Уларда Букайо Сака бор, аммо Кай Ҳавертц, Габриэл Мартинелли ва Леандро Троссар билан, менимча, уларга «Манчестер Сити»ни ортда қолдирадиган яна бир ўзига хос ҳужумчи керак», — дея Каррагернинг сўзларини келтиради FourFourTwo.