«Барселона» клуби жамоа яримҳимоячиси ва собиқ сардори Серхи Роберто билан хайрлашганини расман маълум қилди.

32 ёшли испаниялик футболчи 1 июл куни эркин агентга айланганди, аммо Каталония клуби раҳбарияти футболчи билан келишувни узайтириш масаласини кўриб чиқаётганди. Якунда янги шартнома имзоланмади ва Роберто жамоани расман тарк этди.

У 18 йил давомида жамоа тизимида эди. Клуб Серхига омад тилаб, хайрлашув видеосида Робертонинг ўсмирлик чоғидан ҳозирга қадар клуб билан эришган натижалари, голларини ёдга олди.