«Ноттингҳэм Форест»нинг собиқ ҳимоячиси Скотт МакКенна «Лас-Палмас»га ўтди.

Испания клуби 27 ёшли шотландиялик билан 3 йиллик шартнома имзолаганини эълон қилди. Футболчи ўтган мавсум охирида эркин агентга айланганди. 

Маккенна 4 йил давомида «Ноттингҳэм»да ўйнади ва ўтган мавсумнинг иккинчи қисмини ижара асосида «Копенҳаген»да ўтказди. 

Ҳимоячи Шотландия миллий жамоаси таркибида Евро-2024даги барча 3та ўйинда ҳаракат қилди.