Жан-Перо Гасперини Тен Копмейнерснинг «Ювентус» билан келишувини тасдиқлади.

Аввалроқ Турин клуби «Аталанта»нинг нидерландиялик яримҳимоячиси билан шахсий шартнома шартларини келишиб олгани хабар қилинганди. 

«Ўтган ҳафта охиригача Копмейнерс билан боғлиқ вазият тинч эди. Кейин у «Ювентус»га ўтишга қарор қилди ва аллақачон келишувга эришган. У стрессда эканлигини айтди ва ортиқ биз билан машғулот ўтказмасликка қарор қилди.

У энди клубга ёки жамоадошларига фойда келтирмайди, шу сабаб четлатилди. Клуб жуда қаттиқ позицияда, чунки бизни шантаж қилишаётганини ҳис қилдик. Бу вазият ўтмишда клуб қиммат ўйинчиларини катта жамоаларга сотганидан фарқ қилади», — деди «Аталанта» бош мураббийи L’Eco’di Bergamo нашрига берган интервюсида.